काठमाडौं – राष्ट्रिय खेलकुद परिषद्का पूर्व कोषाध्यक्ष, कराँतेका पूर्व अन्तर्राष्ट्रिय खेलाडी, लगनखेल डोजोका संस्थापक मीनकृष्ण महर्जनले लगनखेल डोजोमा दैनिक ज्याला मजदुर गरी खाने र महालक्ष्मी मन्दिर बटुक भैरव वरिपरि मागेर जीविका चलाउनेहरूलाई लकडाउन अवधिभर खाना खुवाउने अभियानलाई सहयोग पुर्‍याउन नेपाल विद्यार्थी संघ ललितपुरले सहयोग गरेको छ ।

नेविसंघले १० बोरा चामल, २ कार्टुन तेल मसला, नून तरकारी लगायत खाद्यान्न सामान उपलब्ध गराएको छ ।

महर्जनलाई नेविसंघ जिल्ला अध्यक्ष मथुरा शर्मा, उपाध्यक्ष उद्धव दाहाल, सचिव दिपक घिमिरे, सहसचिव रामकृष्ण घिमिरेले सहयोग हस्तान्तरण गरेका थिए । नेविसंघको टोलीले खाद्यान्न वितरण अभियानलाई प्रत्यक्ष रुपमा खाना बनाउने, खाना पस्केर खुवाउने कार्यमा समेत सहयोग गर्दै आइरहेका छन् ।

महर्जनको टीममा १३ औं साग स्वर्ण पदक विजेता विप्लवलाल श्रेष्ठ, कराँते अन्तर्राष्ट्रिय खेलाडी मुकुन्द्र महर्जन, किक बक्सिङ पूर्व राष्ट्रिय च्याम्पियन विनोद महर्जन, कराँते प्रशिक्षक ध्रुब खनाल लगायतको टोली रहेका छन् । महर्जनले चलाएको अभियानमा अन्य संघसंस्थाबाट पनि सहयोग आइरहेको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।