काठमाडौं – कम्युनिस्ट प्रधानमन्त्री केपी शर्मा ओलीलाई हटाउन सत्तारूढ दल नेपाल कम्युनिस्ट पार्टी (नेकपा) अध्यक्ष पुष्पकमल दाहाल ‘प्रचण्ड’ र वरिष्ठ नेता माधवकुमार नेपालले बनाएको योजना असफल पार्न ओलीलाई गरिरहेको षड्यन्त्र फेल गर्ने सहमति भएको छ । पार्टी सचिवालयका बहुमत सदस्यले ओलीलाई हटाउने भनेर बनाएको योजनाविरुद्ध ओलीले उपाध्यक्ष वामदेव गौतमलाई प्रधानमन्त्री बनाउने प्रस्ताव ल्याएको भन्दै नेताद्वय प्रचण्ड–नेपालले ओलीको षड्यन्त्र फेल गर्ने सहमति गरेका छन् । नेकपा वरिष्ठ नेता नेपाललाई भेट्न अध्यक्ष प्रचण्ड शुक्रबार कोटेश्वर पुगेका छन् । शनिबार बस्ने सचिवालय बैठकको पूर्व सन्ध्यामा दुवै नेताले ओलीको प्रतिकार गर्न गोप्य रणनीति बनाएको स्रोतले बनाएको छ । बुधबार बसेको नेकपा सचिवालय बैठकमा प्रधानमन्त्री ओलीले नेता नेपाललाई तेस्रो अध्यक्ष बनाउन प्रस्ताव गरेका थिए । तर नेकपाभित्रको अहिलेको प्रश्न ओलीको स्वेच्छाचारिता भएको भन्दै नेपाल समूहका नेताहरुले ओलीले दिएको ललिपपमा नलोभिन दबाब दिएका छन् । पार्टीमा अल्पमतमा परेका ओलीले पार्टी र सरकारमा एकलौटी गर्न खोज्दा नेकपाले बदनामी कमाएको निष्कर्षसहित ओली समूह बाहेकका नेताहरुले ओलीले प्रधानमन्त्री र अध्यक्ष दुवै पदबाट राजीनामा दिनुपर्ने माग गरेका छन् । शुक्रबारको भेटमा दुवै नेताहरुले साझा रणनीति तय गर्ने विषयमा छलफल गरेको नेपाल निकट स्रोतले जनाएको छ । वरिष्ठ नेता झलनाथ खनाल समेत ओलीले राजीनामा दिनुपर्ने मागमा अडिग रहेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।