काठमाडौं – कोरोना भाइरस संक्रमणको महामारीबाट बच्न सरकारले लकडाउनको घोषणा गरेपछि अर्थतन्त्रमा ठूलो क्षति पुगेको भन्दै नेपाल राष्ट्र बैंकले बैंकका ऋणीका लागि सहुलियत घोषणा गरेको छ । बैंकको घोषणा अनुसार कोरोनाले असर परेका क्षेत्रका ऋणीले चैतमा तिर्नुपर्ने गरी तोकिएको कर्जाको किस्ता रकम बुझाउने म्याद असार मसान्तसम्म दिइएको छ । राष्ट्र बैंकका कार्यबाहक गभर्नर चिन्तामणि शिवाकोटीले चैतमसान्तसम्म कर्जा तिर्नुपर्ने ऋणीले असार मसान्तसम्म ऋण तिर्न सकिने जनाएका छन् । यद्यपि तोकिएकै समयमा व्याज तिर्नेहरूको लागि पनि छुट्टै व्यवस्था गरिएको उनले बताएका छन् । ऋणको साँवा तथा ब्याज भुक्तानी गर्न असहज अवस्था आइपरेकाले सहुलियतको निर्णय गरिएको उनले जनाएका छन् । ‘चैतमा तिर्नुपर्ने कर्जाको साँवा तथा ब्याज असार मसान्तसम्म तिरेपनि थप ब्याज तथा जरिवाना लाग्दैन,’ शिवाकोटीले भने । राष्ट्र बैंकका अनुसार कसैले चैत महिनामा नै तिर्न चाहे तिर्नुपर्ने ब्याजमा १० प्रतिशत छुट पाइने भएको छ । राष्ट्र बैंकले कोरोना प्रभावित क्षेत्रहरूको पहिचान गरी ती क्षेत्रहरूका लागि पुनः विशेष प्याकेज ल्याउन सक्ने जनाइएको छ । बैंक तथा वित्तीय संस्थाहरूले संस्थागत सामाजिक उत्तरदायित्वमा खर्च गर्नुपर्ने रकम नेपाल सरकार तथा प्रदेश सरकारको कोरोना रोकथाम तथा नियन्त्रण कोषमा खर्च गर्न पाउने सुविधा समेत राष्ट्र बैंकले दिएको छ । हेर्नुस् राष्ट्र बैंकको निर्देशन –

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।