इटहरी – नेपाली कांग्रेसको भातृ संगठन नेपाल तरुण दलका सुनसरी जिल्ला सभापति सिजन गुरुङले लकडाउनका बेला ज्यालादारी रोकिएपछि समस्यामा परेका श्रमिकलाई खाद्यान्न वितरण गरेर मनकारी काम गरेका छन् । कोरोना भाइरसको संक्रमण फैलिन नदिन सरकारले घोषणा गरेको लकडाउनको समयमा दैनिक ज्यालादारीमा काम गरेर जीविकोपार्जन गर्दै आएकाहरूलाई सभापति गुरुङले खाद्यान्न सहयोग गरेका छन् । विपन्न वर्गमा परिवारलाई खानाको व्यवस्थापनमा समस्या नहोस् भनेर सहयोग गरिएको सभापति सिजन गुरुङले बताएका छन् । विपद्को समयमा विपन्न वर्गका व्यक्तिलाई विभिन्न किसिमका राहत सामग्री उपलब्ध गराउँदै आएका सभापति गुरुङले लकडाउनको समयमा दैनिक ज्यालादारी काम गर्नेहरूलाई जीविका चलाउनेहरूलाई हातमुख जोड््न समस्या पर्नेतर्फ मध्यनजर गर्दै इटहरी उपमहानगरपालिका क्षेत्रका विपन्न परिवारलाई खाद्यान्न सहयोग गरिएको छ । सभापति गुरुङले शनिबारले खाद्यान्न वितरण सुरू गरेको थिए, आईतबार समेत सहयोगलाई निरन्तरता दिएका छन् । इटहरी उपमहानगरपालिका–२० का स्थायी वासिन्दा गुरुङ हाल विदेशमा रहेपनि उनले तरुण कार्यकर्ता र साथीभाइमार्फत श्रमिक परिवारसम्म सहयोग पुर्‍याइरहेका छन् । वडाका विपन्न परिवारलाई खाद्यान्न सहयोग उपलब्ध गराउने अभियान अन्र्तगत पहिचान गरिएका ५० परिवारलाई सहयोग गरिएको उनले बताए ।  सभापति गुरुङले छिमेकीहरू खाना खानबाट वञ्चित नहोउन् भनेर प्रतिपरिवार ५ किलोग्राम चालम, ३ किलो आलु, १ किलो नून र २ वटा साबुन उपलव्ध गराएका छन् । विपन्न परिवारका लागि उपलब्ध गराएका सामग्री गुरुङका साथीभाइ र तरुण दल सुनसरीका नेता कार्यकर्ताले घरघरमा पुयाइदिएका छन् । थप ज्यालादारी मजदुरको विवरण संकलन भइरहेको र सहयोग गरिने सभापति गुरुङले बताएका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।