इटहरी – किन्डर पिलर इभी लिग किड्स स्कूलले स्थापनाको चौथो वार्षिकोत्सव भव्यताका साथ मनाएको छ । वार्षिकोत्सव कार्यक्रममा स्कूलका बालबालिकाले विभिन्न जातजातिका पोशाक लगाएर नाटक तथा नृत्य प्रस्तुत गरेका छन् । कार्यक्रममा अभिभावक तथा विद्यार्थीलाई सम्बोधन गर्दै बिद्यालयकी सञ्चालिका श्रुती शर्माले विद्यार्थीलाई समयसापेक्ष शिक्षाको प्रदान गर्दै लैजाने बताएकी छन् । कार्यक्रममा द व्यायामसाला इटहरीकी सञ्चालिका ममता प्रसाइको प्रमुख आतिथ्यता थियो । कार्यक्रममा विद्यार्थीका अभिभावकले समेत प्रतिभा देखाएका थिए । अभिभावकलाई खेल खेलाइ विजेतालाई पुरस्कार समेत वितरण गरिएको छ । कार्यक्रममा विभिन्न विधाका खेलकुद प्रतियोगिता र प्री स्कूल उत्तीर्ण भएका विद्यार्थीलाई पुरस्कार दिइएको शर्माले बताएकी छन् । अमेरिकन पद्धतिबाट पढाइ हुने प्री स्कूलले बालबालिकाको विकासको लागि शिक्षासँगै विभिन्न अनौपचारिक तालिम तथा क्षमता अभिवृद्धि कार्यक्रम समेत गर्दै आएको छ । स्कूलले विभिन्न खेलकुद लगायत अतिरिक्त क्रियाकलापलाई समेत जोड दिने गरेको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।