काठमाडौं - अन्तर्राष्ट्रिय फुटबलबाट संन्यास घोषणा गरिसकेका अर्जेन्टिनाका सुपरस्टार लियोनेल मेस्सीलाई आगामी मैत्रीपूर्ण खेलका लागि राष्ट्रिय टोलीमा समावेश गरिएको छ।

अर्जेन्टिनाले आगामी मैत्रीपूर्ण खेलमा बोलिभिया, बुर्किना फासो र बेनिनसँग प्रतिस्पर्धा गर्ने तालिका छ। यीमध्ये अक्टोबर ६ मा हुने खेलमा मेस्सीसहित रोड्रिगो डे पाउल र जियोभानी लो सेल्सो मैदानमा उत्रिने बताइएको छ।

राष्ट्रिय टोलीका सर्वाधिक चर्चित खेलाडीमध्येका मेस्सीले अर्जेन्टिनाका लागि लामो समयदेखि महत्वपूर्ण भूमिका निर्वाह गर्दै आएका छन्। उनको कप्तानीमा अर्जेन्टिनाले कोपा अमेरिका र फिफा विश्वकपलगायत ठूला अन्तर्राष्ट्रिय उपाधि जितेको छ।

कतारमा भएको सन् २०२२ को विश्वकपमा फ्रान्सविरुद्धको फाइनलमा दुई गोल गर्दै मेस्सीले अर्जेन्टिनालाई विश्वकप जिताउन महत्वपूर्ण योगदान दिएका थिए।

अन्तर्राष्ट्रिय करियरलाई विश्राम दिने निर्णय गरे पनि मेस्सीले क्लब फुटबललाई भने निरन्तरता दिनेछन्। उनी हाल अमेरिकी मेजर लिग सकर क्लब इन्टर मियामीबाट व्यावसायिक फुटबल खेलिरहेका छन्।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।