काठमाडौं – नेपाल कम्युनिस्ट पार्टी (नेकपा) ओली पक्षका नेता एवं उपप्रधानमन्त्री ईश्वर पोखरेलले प्रतिनिधिसभा संसद विघटन मुद्दामा सर्वोच्च अदालतको फैसलाप्रति असहमति व्यक्त गरेका छन् ।

ओली पक्षका विद्यार्थीले राजधानी काठमाडौंमा गरेको कार्यक्रममा पोखरेलले मुलुकलाई अस्थिरतातिर धकेल्ने गरी फैसला आएको भन्दै असहमति रहेको बताएका छन् ।

‘सबैभन्दा ठूलो फैसला दिने न्यायाधीश सर्वोच्चको न्यायाधीशहरू होइनन् र हुन सक्दैनन् । सबैभन्दा ठूलो फैसला दिने न्यायाधीश भनेका जनता हुन्,’ पोखरेलले भने । तर लोकतन्त्र र शक्ति पृथकीकरणमा विश्वास गर्ने भएकाले सर्वोच्चको फैसला कार्यान्वयन गर्ने पोखरेलले बताएका छन् ।

सर्वाेच्च अदालतमा मुद्दा विचाराधीन रहेका बेला यस्तै बोली पुष्पकमल दाहाल ‘प्रचण्ड’ले बोल्ने गरेका थिए । प्रचण्डले सर्वाेच्च अदालतले संसद पुनःस्थापना नगरे जनताको अदालतले पुनःस्थापना गर्ने घुमाउरो चेतावनी दिने गरेका थिए । अहिले पोखरेलले त्यस्तै भाषा, शैलीमा सर्वाेच्च अदालततिर औला उठाएका छन् ।

सर्वोच्चको फैसलाप्रति असहमति रहेको जनाउँदै नेता पोखरेलले भने, ‘तिमीभन्दा शक्तिशाली न्यायाधीशहरू जनता हुन् । जनताले गर्ने फैसलाको प्रतीक्षामा छौं हामी । त्यसको तयारीमा छौं ।’

सर्वोच्च अदालतको फैसलाका सम्बन्धमा टिप्पणी गर्न नहुनेबारे नेता पोखरेलले भने, ‘यो विरुद्धमा होइन, हाम्रो असहमति हो । विश्लेषणको आधारमा गरेको हाम्रो अहसमति । हामीले भनेका छौं – तिम्रो फैसलाले यो मुलुक जुन दुर्भाग्यतिर जान लाग्दैथियो, त्यही दुर्भाग्यतिर जानको लागि प्रेरित गरेको छ ।’

उनले सर्वोच्चको फैसलाकै कारण मुलुक विकास र समृद्धिमा बाधा पुग्ने जिकिर गरे । अराजकतालाई बढावा दिने गरी फैसला आएको भन्दै उनले मुलुकलाई घिनलाग्दो राजनीतिक खेलतर्फ धकेलेको समेत बताएका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

हेलिकप्टरबाट लिपुलेक घुमेपछि सीमा अतिक्रमणबारे बोल्नै छाडे ईश्वर पोखरेल

सबै मन्त्रीका सामुन्ने केपी ओलीले ईश्वर पोखरेललाई झपारेपछि ...