काठमाडौं – नेपाल कम्युनिस्ट पार्टी (नेकपा) विभाजन भएसँगै प्रधानमन्त्री केपी शर्मा ओली र पुष्पकमल दाहाल ‘प्रचण्ड’ पक्ष एकअर्कालाई सिध्याउने तहसम्मै पुग्न थालेका छन् ।

ओली पक्षीय गृहमन्त्री रामबहादुर थापा ‘बादल’ले प्रचण्ड पक्षीय नेत्री रामकुमारी झाँक्रीलाई पक्राउ गर्न नेपाल प्रहरीलाई कडा निर्देशन दिएका छन् ।

गृहमन्त्री बादलको निर्देशन प्रहरीको महानगरीय अपराध महाशाखाले झाँक्रीलाई पक्राउ गर्ने योजना बनाएको छ । नेकपा प्रचण्ड–नेपाल पक्षकी केन्द्रीय सदस्य रामकुमारी झाँक्री हाल बाग्लुङमा रहेपनि काठमाडौंमा माघ २८ गते हुने प्रदर्शनमा सहभागी हुन उनी राजधानी आउने भएकाले काठमाडौंमै उनलाई पक्राउ गर्ने योजना प्रहरीले बनाएको छ ।

राष्ट्रपति विद्यादेवी भण्डारी र प्रधानमन्त्री केपी शर्मा ओलीमाथि अभद्र टिप्पणी गरेको अभियोगमा नेत्री झाँक्रीलाई प्रहरीले पक्राउ गर्न लागेको छ ।

राष्ट्रपति भण्डारीविरुद्ध विवादास्पद अभिव्यक्ति दिएपछि नेत्री झाँक्रीलाई पक्राउ गर्न ओली पक्षीय अखिल नेपाल महिला संघ (अनेमसंघ) सम्बद्ध महिलाले गृहमन्त्री बादललाई ज्ञापनपत्र बुुझाएका थिए । त्यसपछि गृहमन्त्रीले झाँक्रीलाई पक्राउ गर्न प्रहरीलाई मौखिक निर्देशन दिएका हुन् ।

नेत्री झाँक्रीलाई पक्राउ गर्न माथिबाटै निर्देशन आएको नेपाल प्रहरीका एक उच्च अधिकारीले जानकारी दिए । 

गोरखा जिल्लामा आयोजित एक विरोध कार्यक्रमा झाँक्रीले भनेकी थिइन्, ‘राष्ट्रपतिका कुरा त के गर्नु, म बडामहारानीलाई गोरखाबाटै सन्देश दिन चाहन्छु, निर्वाचनको तयारीका लागि सुखसुविधा ऐस–आराम शितलनिवास छाडेर पहिला कोटेश्वरमा आउनुहोस्, चाबहिल कि कता बानेश्वरतिर बसाइँ छ भन्ने सुन्या छु, होइन भने बालकोटै गए पनि हुन्छ ।’

नेत्री झाँक्रीको अभिव्यक्तिको सामाजिक सञ्जालमा समेत चर्काे विरोध भएको थियो । विघटित प्रतिनिधिसभा सांसद समेत रहेकी झाँक्रीलाई पक्राउ गर्ने तयारी हुनुलाई नेकपाभित्र विवाद झनै चर्किने संकेतका रूपमा समेत लिन थालिएको छ ।

प्रहरीमा कुनै लिखित उजुरी वा लिखित निर्देशन नआएको अवस्थामा गृहमन्त्रीकै निर्देशनको भरमा प्रहरीले झाँक्रीलाई पक्राउ गर्न सक्छ कि सक्दैन भनेर समेत चासोका साथ हेरिएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

प्रधानमन्त्री बन्न वामदेव गौतमले निकाले अर्काे नयाँ ‘आइडिया’ !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

नेकपा फुट्नै लागेको हो ? किसुनजीलाई सम्झिँदै नारायणकाजीले गरे भावुक खुलासा