काठमाडौं - नेपाली कांग्रेसका महामन्त्री गगन थापाले सहरी विकास मन्त्री रामकुमारी झाँक्री र काठमाडौं महानगरपालिका प्रमुख बालेन्द्र साहको प्रशंसा गरेका छन् ।

उनले प्रतिनिधिसभा बैठकमै बालेन र रामकुमारीको प्रशंसा गरेका हुन् । काठमाडौंका सडकमा थुप्रिएको फोहोर व्यवस्थापनका विषयमा दुवै जनप्रतिनिधिले उल्लेख्य भूमिका खेलिरहेको भन्दै महामन्त्री थापाले मंगलबारको संसद् बैठकमा बालेन र रामकुमारीको प्रशंसा गर्दै आफू काठमाडौंकै सांसद भएकाले सहयोग गर्न तयार रहेको बताए ।

‘हिजोका जनप्रतिनिधिले राम्रो काम गरिदिएको भए आज काठमाडौं उपत्यकाको सडकमा जताततै फोहोर थुप्रिदैनथ्यो । वर्तमान सहरी विकास मन्त्री र काठमाडौं मेयरले राम्रो प्रयास गर्नुभएको छ । म उहाँहरूको कामको प्रशंसा गर्न चाहन्छु,’ थापाले भने ।

उनले अहिले काठमाडौं वरिपरिको सडक फोहोरले भरिएको भन्दै हिजोको नेतृत्वले राम्रो काम नगरिदिएकाले यस्तो अवस्था आइरहेको उल्लेख गरे ।

फोहोर व्यवस्थापनका विषयमा अहिलेको काठमाडौं महानगर र सहरी विकास मन्त्रालयको नेतृत्वले उचित निर्णय लिइरहेको भन्दै प्रशंसा पनि गरे ।

फोहोर व्यवस्थापन गर्न सहरी विकास मन्त्रालयको बजेटले नपुग्ने भन्दै उनले यस वर्ष काठमाडौंमा फ्लाइओभर र अन्डरपास नबनाउन सुझाव दिए ।

फोहोर व्यवस्थापन गर्न अर्बौ रुपैयाँ चाहिने भएकाले उनले फ्लाइओभर र अन्डरपासको काम थाती राखेर फोहोर व्यवस्थापनमा जुट्न आग्रह गरे ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

आफु नेतृत्वमा पार्टी पराजित भए राजिनामा दिने भन्दै गगनले गरे सभापति लड्ने घोषणा !

देउवालाई गगन थापासहित १२ युवा नेताको चुनौती [ बिज्ञप्ति सहित ]

थापाको ओलीलाई प्रश्न : सिडिओलाई अगाडि सारेर कसरी कोरोना महामारी नियन्त्रण गर्न सकिन्छ ?

गगन थापाको गर्जन, सरकारले आफ्नो पतनको बाटो आफैं खनेको छ

गगन थापालाई कोरोना पोजेटिभ

प्रमज्यू ! अहिले मन्त्रिमण्डल भागबण्डाबारे होइन, संकटबारे छलफल गर्नुस् : गगन थापा