काठमाडौं - नेपाली कांग्रेसको १४औं महाधिवेशन भदौ पहिलो साता तोकिएको छ । संविधानअनुसार भदौभित्र कांग्रेसको महाधिवेशन गर्नै पर्ने हुन्छ । नत्र संवैधानिक संकट उत्पन्न भई वैधानिकता सकिन्छ ।

नेपालको संविधानमा कुनै पनि राजनीतिक दलको महाधिवेशन पाँच–पाच वर्षभित्र सम्पन्न हुनुपर्ने उल्लेख छ । संविधानमा बाधा अड्काउ फुकाउ गरी ६ महिना थप म्याद गर्न सकिने उल्लेख भएकाले कांग्रेसले फागुनमै हुनुपर्ने महाधिवेशन सारेर भदौमा लगेको हो ।

१४औं महाधिवेशनको मिति तोकिएसँगै नयाँ नेतृत्वको विषयमा जोडतोडले नेताहरू देश दौडाहामा लागेका छन् । खासगरी दोस्रो पुस्ता र तेस्रो पुस्ताका नेताहरू सभापतिका आकांक्षी देखिएका छन् ।

वर्तमान सभापति शेरबहादुर देउवा, रामचन्द्र पौडेल, कृष्णप्रसाद सिटौला, विमलेन्द्र निधि, प्रकाशमान सिंह, डा.शशांक कोइराला, गोपालमान श्रेष्ठले सभापतिको उम्मेदवार बन्ने आकांक्षा राखेका छन् ।

तर, डा.शेखर कोइराला र युवा नेता गगन थापाले पनि सभापतिको उम्मेदवार बन्ने बताएपछि कांग्रेसको १४औं महाधिवेशनमा रोचक भिडन्त हुने सम्भावना देखिएको छ ।

यतिबेला गगन र शेखर दुवै जिल्ला दौडाहामा छन् । शेखरले साना साना भेटघाट र कोणसभामा आफूलाई प्रस्तुत गरिरहेका छन् भने गगन थापाले ठूल्ठूला आमसभामा सम्बोधन गरिरहेका छन् ।

गगन थापाका हरेक आमसभामा मानिसको ठूलो भिड देखिएको छ । उनले कांग्रेसको संगठन बलियो बनाउन र आगामी निर्वाचनमा कांग्रेसलाई बहुमत ल्याउन युवा पुस्ताको हस्तक्षेप आवश्यक रहेको भन्दै आफूहरू अघि बढिसकेको बताएका छन् ।

उनको यो अभिव्यक्तिले आमकांग्रेसी मात्र होइन, शुभेच्छुक पनि उत्साहित देखिएका छन् । कांग्रेसको अबको सभापतिमा गगन थापा जस्ता युवाको अनुहार हेर्न नेपाली कांग्रेसका नेता कार्यकर्ता लालायित देखिएका छन् ।

डा.शेखरको सक्रियता पनि कम छैन । उनले एकोहोरो आफूलाई सभापतिको उम्मेदवार भन्दै भेटघाटलाई तीव्र बनाएका हुन् । कोइराला परिवारबाट डा.शशांक कोइराला पनि सभापतिका आकांक्षी भएकाले शेखरलाई निकै ठूलो चुनौती छ ।

त्यसमाथि रामचन्द्र पौडेलले कसलाई साथ दिन्छन् भन्ने विषयले पनि अर्थ राख्छ । शशांक र प्रकाशमान सिंहबीच शनिबार आगामी महाधिवेशनको विषयलाई लिएर भेटवार्ता भएको छ ।

पार्टी समूहको बैठकमा सँगै उपस्थित भए पनि यी दुवै नेताबीच विरलै एक अर्काको घरमा भेटघाट हुन्छ । तर, आगामी महाधिवेशनले दुवैलाई एक ठाउँमा उभिने वातावरण सिर्जना गरिदिएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

आफु नेतृत्वमा पार्टी पराजित भए राजिनामा दिने भन्दै गगनले गरे सभापति लड्ने घोषणा !

देउवालाई गगन थापासहित १२ युवा नेताको चुनौती [ बिज्ञप्ति सहित ]

थापाको ओलीलाई प्रश्न : सिडिओलाई अगाडि सारेर कसरी कोरोना महामारी नियन्त्रण गर्न सकिन्छ ?

गगन थापाको गर्जन, सरकारले आफ्नो पतनको बाटो आफैं खनेको छ

गगन थापालाई कोरोना पोजेटिभ

प्रमज्यू ! अहिले मन्त्रिमण्डल भागबण्डाबारे होइन, संकटबारे छलफल गर्नुस् : गगन थापा