आइतवार, आश्विन ३१ २०७८Oct 17 2021

Logo
images
images
images

अन्ततः एमालेमा योगेश भट्टराईले बाजी मारे !

अन्ततः एमालेमा योगेश भट्टराईले बाजी मारे !

  • मिडिया डबली
  • शुक्रवार, आश्विन १ २०७८

  • 3.8K
    SHARES

  • अन्ततः एमालेमा योगेश भट्टराईले बाजी मारे !

    काठमाडौं – नेकपा एमालेले विभाजित भएर नेकपा एकीकृत समाजवादी पार्टी गठन हुँदा सचिव योगेश भट्टराई लगायत नेताहरू एमालेमै रहे । नेता माधवकुमार नेपालसँग नजिक हुँदाहुँदै पनि नेताहरूले एमाले छाड्न सकेनन् ।

    एमालेमै रहने शर्त थियो, पार्टीलाई २०७५ जेठ २ गतेको अवस्थामा फर्काउने सहमति कार्यान्वयन । यसमा अध्यक्ष केपी शर्मा ओली सहमत भएका थिए । तर कतिपय सन्दर्भमा जेठ २ गतेमा फर्काउन ओली सहमत भइरहेका छन् ।

    images

    हालै चर्चामा रहेको सुदूरपश्चिम प्रदेश इन्चार्जको जिम्मेवारी पूर्ववत् सहमतिअनुसार उपाध्यक्ष भीम रावललाई दिन अध्यक्ष ओलीले आनाकानी गरे । ओलीले इन्चार्जको जिम्मेवारी पूर्व माओवादी नेता लेखराज भट्टसँग नै रहने स्पष्ट पारेका छन् ।

    उपाध्यक्ष रावलले पूर्ववत् जिम्मेवारी नपाएको अवस्थामा सचिव योगेश भट्टराईले भने बाजी मारेका छन् । सचिव भट्टराईले जेठ २ गतेको अवस्थामा पार्टीलाई फर्काउँदै प्रचार विभाग प्रमुखको जिम्मेवारी सम्हालेका छन् ।

    हालका प्रचार विभाग प्रमुख प्रदीप ज्ञवालीले आज शुक्रवार पार्टी कार्यालयमा विभागको बैठक राखेर आफू अब विभागमा नरहेको र जेठ २ गतेकै संरचनाअनुसार भट्टराई प्रमुख हुने घोषणा गरेका छन् ।

    नेकपा माओवादी केन्द्रसँग एमाले एकता हुनुअघि एमाले प्रचार विभाग प्रमुखमा भट्टराई रहेका थिए । जेठ २ गतेअघि योगेश भट्टराई प्रचार विभाग प्रमुख हुँदा पनि सूर्य थापा उपप्रमुख र विष्णु रिजाल सचिव रहेका थिए । 

    हाल रिजाल विदेश विभाग उपप्रमुख बनेका छन् । थापा नेकपाकालमा पनि नारायणकाजी श्रेष्ठ प्रचार विभाग प्रमुख हुँदा पनि उपप्रमुख रहेका थिए ।

    सचिव भट्टराईले प्रमुखमा फर्किंदा पनि थापा प्रचार विभाग उपप्रमुख नै रहने भएका छन् ।

    विभागका सदस्यमा पहिले र अहिलेका मिलाएर बनाइने भएको छ । ज्ञवालीले प्रचार विभाग छाडेको भए पनि प्रवक्ता कायमै रहने जनाइएको छ ।

    एमालेमा जेठ २ गतेको अवस्थामा फर्काउने बहस चलिरहेका बेला सचिव भट्टराईले भने बाजी मारेका छन् । बागमती प्रदेश इन्चार्जमा समेत उपाध्यक्ष अष्टलक्ष्मी शाक्यलाई पुनः जिम्मेवारी नदिएर पूर्व माओवादी नेता रामबहादुर थापा ‘बादल’लाई इन्चार्ज बनाइएको छ ।

    मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

    सोमवार, पौष २० २०७७०६:१०:५५
    ट्रेन्डिङ
    Logo
    • डबली नेटवर्क्स प्रा.लि, अनामनगर, काठमाडौँ

    • फोन नम्बर :९८०११२३३७१
    • [email protected]
    • वेबसाईट: www.mediadabali.com
    • सूचना विभाग दर्ता नं.::१८१/ ०७३ -०७४
    • प्रधान सम्पादक

    • कृष्ण प्रसाद पहाडी
    • सम्पादक

    • शोभाकान्त सापकोटा
    • साइट

    • बिनोद भट्टराई
    • क्यामरा पर्सन

    • सुनिल क्षेत्री
    • संवाददाताहरु

    • निर्मला पौडेल
    • अमृत चापागाई
    • अर्जुन पहाडी
    • खिमबहादुर गौतम
    • आकृति थापा क्षेत्री

    Copyright © All right reserved to Dabali Networks P. LTD. Site By: SobizTrend Technology