Logo
  • शुक्रवार, जेठ १६ २०७७May 29 2020

images
images

केपी ओलीलाई कांग्रेसले भन्यो – ‘लिम्पियाधुराको नक्सा र जग्गा दुवै हाम्रो हातमा हुनुपर्छ’

केपी ओलीलाई कांग्रेसले भन्यो – ‘लिम्पियाधुराको नक्सा र जग्गा दुवै हाम्रो हातमा हुनुपर्छ’

  • मिडिया डबली

  • शुक्रवार, जेठ ९ २०७७


  • केपी ओलीलाई कांग्रेसले भन्यो – ‘लिम्पियाधुराको नक्सा र जग्गा दुवै हाम्रो हातमा हुनुपर्छ’

    काठमाडौं – नेपाली कांग्रेसका प्रवक्ता विश्वप्रकाश शर्माले नेपालको नयाँ नक्सा जारी भइसकेपछि भारतले अतिक्रमण गरेको लिपुलेक, कालापानी र लिम्पियाधुरा सहितको नेपाली भूमि फिर्ता ल्याउन पहल गर्न सुझाव दिएका छन् ।

    कांग्रेस प्रवक्ता शर्माले शुक्रवार फेसबुक पेजको लाइभमार्फत भारतसँग कूटनीतिक वार्ता शुरू गरेर नेपाली भूमिबाट भारतीय सैनिक फिर्ता गराउनुपर्ने माग गरेका छन् ।

    images

    भारतले नेपाली भूमि आफ्नो नक्सामा राखेर सार्वजनिक गरेको ६ महिनापछि नेपाल सरकारले ढिलै भएपनि आफ्नो भूमि राखेर नयाँ नक्सा जारी गरिएकोमा सरकारलाई धन्यवाद दिए ।

    प्रवक्ता शर्माले ६ महिना अगाडि बालुवाटारमा बसेको सर्वदलीय बैठकमा सभापति शेरबहादुर देउवाले लिपुलेक, कालापानी र लिम्पियाधुरा समेटेर नयाँ नक्सा सार्वजनिक गर्न प्रधानमन्त्री केपी ओलीलाई सुझाव दिएको स्मरण गराए ।

    ‘भारतले नेपाली भूमि लिपुलेक, कालापानी र लिम्पियाधुरा आफ्नो नक्साभित्र राखेर ६ महिना अगाडि नयाँ नक्सा जारी गर्‍यो,’ शर्माले भने, ‘६ महिना पछाडि सरकारले नयाँ नक्सा जारी गरेको छ । भारतले पिथौरागढबाट नेपाली भूमि लिपुलेक हुँदै तिब्बत जाने सडक उद्घाटन गर्‍यो । यो कांग्रेसलाई स्वीकार्य छैन ।’

    उनले भने, ‘समृद्धिमा कांग्रेस प्रतिपक्ष हुँदैन । कोरानाविरुद्धको लडाइँमा कांग्रेस प्रतिपक्ष बन्दैन । राष्ट्रियताको सवालमा कांग्रेस सधैं सरकारको साथमा छ ।’

    नेपालको नक्सा सार्वजनिक गर्नु स्वागत योग्य भएकाले सरकारलाई कांग्रेसको साथ रहेको उनले बताए । ‘सरकारले जारी गरेको नक्सा स्वागत गरौं । २०३२ साल अगाडि त्यो नक्सा थियो । २०३२ साल पछाडि लिपुलेक, कालापानी र लिम्पियाधुरालाई हामीले नक्सामा पढ्न पाएनौं । यो नक्सा जारी भएपछि नेपाली भूमि फिर्ता ल्याउने दायित्व शुरू भएको छ,’ उनले भने, ‘नक्सा जारी भयो । आवेगमा आएर होइन अब कूटनीतिक पहल गरेर हाम्रो भूमि फिर्ता लिनुपर्छ ।’

    राष्ट्रियताको कुरालाई राजनीतिक उदेश्यपूर्तिमा समावेश गर्न नहुने समेत प्रवक्त शर्माको सुझाव छ । ‘राष्ट्रवादको नाममा आशंका उब्जिएको छ । कूटनीतिक पहल होस् । नक्सा हाम्रो हातमा, जग्गा उसको हातमा हुने कुरा हुनुहुँदैन । नक्सा पनि हाम्रो हातमा र जग्गा पनि हाम्रो हातमा हुनुपर्छ । उग्र कुरा मात्रै गर्ने होइन । संयमित भएर संवाद गर्नुपर्छ,’ उनले भने ।

    कांग्रेसका प्रवक्ता शर्माले भूमि फिर्ताका सम्बन्धमा भारतसँग सरकारको अभिव्यक्तिमा जति पहल गर्नुपर्छ त्यति व्यवहारमा नदेखिएको भन्दै चिन्ता जनाएका छन् । ‘नेपालले नयाँ नक्सा जारी भएपछि भारतको प्रतिक्रिया आएको छ । भारतले हाम्रो नक्सामा अस्वीकार गरेको छ,’ शर्माले भने, ‘अभिव्यक्तिमा तीब्रता होइन, व्यवहारमा तीब्रता हुनुपर्छ । नक्सा मात्रै होइन, जमिन पनि फिर्ता लिनुपर्छ । भारतसँग वार्ता गर्नुपर्छ,’ उनले भने ।

    चीन र भारतबीच सन् २०१५ को सहमति अनुसार नै भारतले बाटोलाई पूर्णता दिएको कांग्रेसका प्रवक्ता शर्माले बताएका छन् । उनले यो विषयमा भारतसँगै चीनसँग पनि कुरा गर्नुपर्ने बताएका छन् । त्यसबेला सुशील कोइरालाको सरकारले चीन र भारतसँग प्रोटेस्ट नोट पठाएर विरोध जनाएको भन्दै शर्माले आफ्नो भूमिलाई अतिक्रमण हुन कहिल्यै पनि नदिने बताए ।

    ‘हामीभन्दा चीन र भारत दुई ठूला देश होलान् । हामी सानो हौंला । तर स्वाभीमानी छौं । हाम्रो भूमि हामीले पाउनुपर्छ,’ शर्माले भने, ‘हामी ऐतिहासिक तथ्यअनुसार कुरा गर्नुपर्छ । सन् १८१६ को सुगौली सन्धीमा पश्चिम सिमाना महाकाली नदीभन्दा पूर्वको भू–भाग नेपालको भन्ने लेखिएको छ ।’

    ‘काली नदीको मुहान लिम्पियाधुरा नै हो । अहिले आएर भारतले खोल्सोलाई कालीनदीको नामाकरण गरेर भारत सरकारले भन्ने हो सुगौली सन्धी उल्लंघन हुनेछ,’ उनले भने, ‘हामीले कूटनीतिक पहल कदमी गर्नुपर्छ । भारत र चीनसँग संवाद गर्नुपर्छ । भारतले तथ्यलाई तोडमोड गर्नु हुँदैन ।’

    ‘लिपुलेक, कालापानी र लिम्पियाधुरा नेपालका अभिन्न अंग हुन् । सर्वदलीय बैठकमा कांग्रेसका सभापति शेरबहादुर देउवाले नेपाल सरकारले अपात्ति जनाउनुपर्छ भनेर भन्नुभएको छ । नेपालले आफ्नो नक्सा जारी गर्नुपर्छ भनेका थियौं,’ शर्माले भने, ‘त्यो धारणा कांग्रेसको मात्रै पनि थिएन । सबैको थियो । केपी ओलीले बोलाएको सर्वदलीय बैठकमा सभापति देउवाले सुगौली सन्धीमा भएअनुसार लिम्पियाधुरा, लिपुलेक, कालापानी नेपालको हो । भारतीय सेना कालापानीबाट फिर्ता हुनुपर्छ ।’

    शुक्रवार, जेठ ९ २०७७०८:२०:५४
    सम्बन्धित समाचार
    • प्रधान सम्पादक

    • कृष्ण प्रसाद पहाडी
    • सम्पादक

    • शोभाकान्त सापकोटा
    • साइट

    • बिनोद भट्टराई
    • संवाददाताहरु

    • निर्मला पौडेल
    • अमृत चापागाई
    • अर्जुन पहाडी
    • डबली नेटवर्क्स प्रा.लि, अनामनगर, काठमाडौँ

    • फोन नम्बर :९८०११२३३७१
    • [email protected]
    • वेबसाईट: www.mediadabali.com
    • सूचना विभाग दर्ता नं.::१८१/ ०७३ -०७४

    Copyright © All right reserved to Dabali Networks P. LTD. Site By: SobizTrend Technology