Logo
  • आइतवार, जेठ २५ २०७७Jun 07 2020

images
images

राति परेपछि ईश्वर पोखरेलले दिए भारतलाई चेतावनी

राति परेपछि ईश्वर पोखरेलले दिए भारतलाई चेतावनी

  • मिडिया डबली

  • बिहिवार, जेठ ८ २०७७


  • राति परेपछि ईश्वर पोखरेलले दिए भारतलाई चेतावनी

    काठमाडौं – नेपाल सरकारले लिम्पियाधुरा सहितको नक्सा जारी गरेपछि भारतले दिएको अभिव्यक्तिलाई लक्षित गरेर उपप्रधान तथा रक्षामन्त्री ईश्वर पोखरेलले चेतावनी दिएका छन् ।

    भारतीय पक्षबाट नेपालको नक्साबारे टिप्पणी भएकै बेला राति पौने १० बजेतिर सामाजिक सञ्जाल ट्विटरमार्फत मन्त्री पोखरेलले नेपालीहरू कसैमाथि पनि अपमान भएको र होच्याएको सहन नसक्ने अभिव्यक्ति दिएका छन् ।

    images

    उनले ट्विटरमा लेखेका छन्, ‘हामी कसैमाथि असमान/अपमानजनक व्यवहार गर्दैनौं, कसैले हामीमाथि त्यस्तो गर्न खोजे कदापी सहन्नौं । नेपालको स्वतन्त्र, विवेकपूर्ण र स्वाभिमानी व्यवहारलाई कसैले होच्याउन/अपमान गर्न खोजे नेपालीहरूले कदापी सहँदैनन् । नेपालीलाई एकताको सूत्रमा बाँध्ने यही भावनाद्वारा सँधै निर्देशित बनिरहौं !’

    मन्त्री पोखरेलले भारतबारे खुलेर ट्विटमा केही लेखेका भने छैनन् । तर उनको टिप्पणी भारत सरकारलाई नै लक्षित देखिएको छ । नेपालको पश्चिमी सिमानामा भारतसँग विवाद चलिरहँदा मन्त्री पोखरेल केही महिनाअघि लिपुलेक अवलोकनका लागि त्यहाँ गएपछि भारतले बनाइरहेको सडक निर्माण रोक्न कुनै पहल गर्न सकेका थिएनन् ।

    जनस्तरबाट लामो दबाब र विवादपछि नेपाल सरकारले बुधवार नयाँ नक्सा जारी गरेको छ । तर भारत सरकारले लगत्तै नक्सा अस्वीकार्य भन्दै कडा टिप्पणी गरेको छ । नेपालको भारतसँग जोडिएको पश्चिम सीमामा पर्ने लिपुलेक, लिम्पियाधुरा र कालापानीलाई लिएर पछिल्लो समय नेपाल र भारतीय सरकारबीच नै मतभेद भइरहँदा उपप्रधानमन्त्री पोखरेलले टिप्पणी गरेका छन् ।

    बिहिवार, जेठ ८ २०७७०६:१८:३५

    मिडिया डबली

    सम्बन्धित समाचार
    • प्रधान सम्पादक

    • कृष्ण प्रसाद पहाडी
    • सम्पादक

    • शोभाकान्त सापकोटा
    • साइट

    • बिनोद भट्टराई
    • संवाददाताहरु

    • निर्मला पौडेल
    • अमृत चापागाई
    • अर्जुन पहाडी
    • डबली नेटवर्क्स प्रा.लि, अनामनगर, काठमाडौँ

    • फोन नम्बर :९८०११२३३७१
    • [email protected]
    • वेबसाईट: www.mediadabali.com
    • सूचना विभाग दर्ता नं.::१८१/ ०७३ -०७४

    Copyright © All right reserved to Dabali Networks P. LTD. Site By: SobizTrend Technology