Logo
  • शुक्रवार, जेठ १६ २०७७May 29 2020

images
images

ओली सरकारसँग प्रचण्ड–नेपाल असन्तुष्ट, नीति तथा कार्यक्रममा न बोली न ताली !

ओली सरकारसँग प्रचण्ड–नेपाल असन्तुष्ट, नीति तथा कार्यक्रममा न बोली न ताली !

  • मिडिया डबली

  • बुधवार, जेठ ७ २०७७


  • ओली सरकारसँग प्रचण्ड–नेपाल असन्तुष्ट, नीति तथा कार्यक्रममा न बोली न ताली !

    काठमाडौं– सरकारको नीति तथा कार्यक्रम बहुमतबाट पारित भए पनि सत्तारूढ नेकपाभित्रको विवाद प्रतिनिधि सभामा प्रतिबिम्बित भएको छ।

    सरकारले राष्ट्रपति मार्फत् प्रस्तुत गरेको नीति तथा कार्यक्रमको नेकपाका अध्यक्ष पुष्पकमल दाहाल प्रचण्ड, वरिष्ठ नेता झलनाथ खनाल र माधवकुमार नेपालले बचाऊ गरेनन् ।

    images

    गत वर्षको नीति तथा कार्यक्रममा नेकपाका अध्यक्ष प्रचण्डले बचाऊ गरेका थिए। उनले सरकारले व्यवस्थित र राम्रो तयारी गरेर नीति तथा कार्यक्रम प्रस्तुत गरेको महसुस भएको उल्लेख गरेका थिए।

    तर यस वर्ष भने अध्यक्ष प्रचण्डसहित नेकपाका शीर्ष नेताहरुले कुनै धारणा नराखी नीति तथा कार्यक्रम पारित भएको छ। प्रधानमन्त्री केपी शर्मा ओलीसँग नेकपा अध्यक्ष प्रचण्डसहित दुवै वरिष्ठ नेता रुष्ट छन्।

    प्रधानमन्त्री केपी शर्मा ओलीको कार्यशैलीमा पछिल्लो समय संसदभित्र सत्तारुढ नेकपाकै सांसदहरुले प्रतिपक्षको शैलीमा प्रश्न उठाउने गरेका छन्।

    नीति तथा कार्यक्रममा जवाफ दिने क्रममा प्रधानमन्त्री ओलीले आफ्नो सरकार पाँच वर्षका लागि बनेको उल्लेख गरे। जबकि प्रतिपक्षी दलहरुसँग यतिबेला प्रधानमन्त्री हटाउन आवश्यक न त संख्या न त चुनौति दिने हैसियत नै।

    तर प्रधानमन्त्री ओलीले सरकारको आयु तोकेर सत्तारुढ नेकपाभित्रै सरकार परिवर्तनका विषयमा उठेका प्रश्नको जवाफ दिने कोशिस गरे।

    बिम्ब प्रयोग गर्न माहिर प्रधानमन्त्री ओलीले सरकारको बचाऊमा आँपको उदाहरण दिए।

    प्रधानमन्त्री ओलीले आँपको बिम्ब प्रयोग गर्दा नेपाली कांग्रेसका सांसद मिनेन्द्र रिजाल सत्तापक्षका नेताहरु तर्फ फर्किएर हाँसेका थिए।

     

    बुधवार, जेठ ७ २०७७०९:०८:२३

    मिडिया डबली

    सम्बन्धित समाचार
    • प्रधान सम्पादक

    • कृष्ण प्रसाद पहाडी
    • सम्पादक

    • शोभाकान्त सापकोटा
    • साइट

    • बिनोद भट्टराई
    • संवाददाताहरु

    • निर्मला पौडेल
    • अमृत चापागाई
    • अर्जुन पहाडी
    • डबली नेटवर्क्स प्रा.लि, अनामनगर, काठमाडौँ

    • फोन नम्बर :९८०११२३३७१
    • [email protected]
    • वेबसाईट: www.mediadabali.com
    • सूचना विभाग दर्ता नं.::१८१/ ०७३ -०७४

    Copyright © All right reserved to Dabali Networks P. LTD. Site By: SobizTrend Technology