कोरोना भाइरससँग लड्न कांग्रेसले निकाल्यो रचनात्मक ‘आइडिया’

मिडिया डबली संवाददाता प्रकाशित : सोमवार, चैत्र १०, २०७६

नेपाटप

काठमाडौं – विश्वभर महामारीको रुपमा फैलिएको कोरोना भाइरससँग लड्न प्रमुख प्रतिपक्षी दल नेपाली कांग्रेसले रचनात्मक आइडिया निकालेको छ ।

कांग्रेसले कोरोना भाइरसबारे सचेतना फैलाउन टेलिभिजनमार्फत सन्देश प्रशारण गर्ने जनाएको छ ।

नेपाल लाइफ

सोमवारदेखि एक दर्जन टेलिभिजनमार्फत ५५ सेकेन्डको सचेतनामूलक भिडियो सन्देश प्रशारण गर्न लागिएको पार्टी प्रवक्ता विश्वप्रकाश शर्माले बताएका छन् ।

प्रवक्ता शर्माका अनुसार पार्टीको सूचना सञ्चार तथा प्रचार विभागले तयार पारेको भिडियो १ हप्तासम्म टेलिभिजनमार्फत प्रशारण हुनेछ । सूचना सञ्चार तथा प्रचार विभागले यसअघि यूट्युबमार्फत ४ मिनेट र १ मिनेटको कोरोना भाइरस विरुद्धको सचेतना जगाउने भिडियो सार्वजनिक गरिसकेको छ ।

नेपालमा समेत कोरोना भाइरसको संक्रमण पुष्टि भइसकेकाले अब सबै मिलेर भाइरसविरुद्ध लाग्नुपर्नेमा कांग्रेस रहेको जनाइएको छ ।