केपी ओली अस्पतालमै थन्किएपछि प्रचण्डको ठूलो सपना चक्नाचूर !

नेपाटप

काठमाडौं – सत्तारुढ नेपाल कम्युनिस्ट पार्टी (नेकपा) अध्यक्ष पुष्पकमल दाहाल ‘प्रचण्ड’ चिनियाँ राष्ट्रपति सी चिनफिङको नेपाल भ्रमणका क्रममा ‘वान टु वान’ वार्ता गर्न चाहन्थे । तर प्रचण्डले सीसँग एक्लै भेट्न पाएनन् ।

प्रचण्डले सीसँग कुराकानी गरेर केही माग राख्न तयारी समेत गरेका थिए । पार्टीभित्र छलफल गरेर सीसँग कुराकानी गर्ने एजेन्डा समेत तय गरिसकेका प्रचण्डले सीसँग एक्लै छलफल गर्न पाएनन् ।

नेपाल लाइफ

सीसँग एक्लै छलफल गर्ने सपना पूरा गर्न प्रचण्डले मंसिर २४ गते चीन भ्रमणमा जाने तय गरेको भएपनि कम्युनिस्ट प्रधानमन्त्री केपी शर्मा ओलीको बिरामी भएर अस्पतालमै थन्किएपछि प्रचण्डको सपना चक्नाचूर भएको छ । ओली बिरामी भएका कारण प्रचण्डले चीन भ्रमण स्थगित गर्नुपरेको छ ।

चिनियाँ राष्ट्रपति सीको निमन्त्रणामा नेकपाका केही नेतासहित प्रचण्ड तीन दिनका लागि मंसिर १४ गते चीन भ्रमणमा जाने तय भएको थियो । तर अन्तिममा आएर प्रचण्डको चीन भ्रमण स्थगित भएको छ ।

नेकपा र चिनियाँ कम्युनिस्ट पार्टीबीच असोजमा भएको ६ बुँदे सहमतिमा नेकपाका सबै ४ सय ४५ केन्द्रीय सदस्यले आगामी दुई वर्षभित्र चीनमा अध्ययन भ्रमण गर्ने समझदारी भएको थियो । सोही सहमति अनुसार प्रचण्ड चीन भ्रमण जान लागेका थिए ।

मंसिर १० गते अकस्मात प्रधानमन्त्री ओलीलाई अपेन्डिसाइटिस भएपछि गरिएको शल्यक्रियापछि उनी अस्पतालमा थन्किएका छन् । प्रचण्डले पार्टीको काम देखाउँदै ओली अस्पतालबाट डिस्चार्ज नभएसम्मका लागि भ्रमण स्थगित गर्नुपरेको छ ।