बुधवार, मंसिर १४ २०७९Nov 30 2022

Logo
images

चुनावको मुखमा नेपाल आएका चिनियाँ उपमन्त्रीलाई सरकारले दिएन भ्यालू, पाँच दिन बसेर फर्के

चुनावको मुखमा नेपाल आएका चिनियाँ उपमन्त्रीलाई सरकारले दिएन भ्यालू, पाँच दिन बसेर फर्के

  • मिडिया डबली
  • बुधवार, कार्तिक ३० २०७९


  • चुनावको मुखमा नेपाल आएका चिनियाँ उपमन्त्रीलाई सरकारले दिएन भ्यालू, पाँच दिन बसेर फर्के

    काठमाडौं - निर्वाचनको पूर्वसन्ध्यामा नेपाल आएका चिनियाँ उपमन्त्रीलाई सरकारले भ्यालु नै दिएन । विगतमा चिनियाँ नेताको नेपाल भ्रमण हुँदा निकै चर्चा परिचर्चा हुन्थ्यो । तर यसपटक त्यस्तो केही भएन ।

    नेपाल आएका चीनका संस्कृति तथा पर्यटन मन्त्रालयका उपमन्त्री ली चुन पाँच दिने भ्रमण सकेर चुपचाप मंगलबार बेइजिङ फर्किएका छन् । यसअघि चीनका मन्त्रीहरू आउँदा उच्च तहको भेटवार्ता हुने गरेको थियो ।

    images
    images
    images

    यसपटक निर्वाचनका कारण नेपाल सरकारले उपमन्त्री लीको भ्रमणलाई औपचारिकता दिएन । नेपाली पक्षले आसन्न निर्वाचनलाई देखाएर अहिले नै नआउन सुझाव दिएको थियो ।

    तर चिनियाँ पक्षले भ्रमण निजी मात्र हुने र सांस्कृतिक सम्पदाको निरीक्षणमा केन्द्रित हुने बताएपछि ली काठमाडौं उत्रिएका थिए । उपमन्त्री लीको भ्रमण सांस्कृतिक क्षेत्रको अवलोकन गर्नेमै सीमित रह्यो । उपमन्त्री लीले भक्तपुर दरबार क्षेत्र, संग्रहालय, पाँचतले मन्दिर, वसन्तपुरस्थित नौतले दरबार र स्वयम्भूको अवलोकन गरेका थिए ।

    २०७२ सालको भूकम्पमा भत्किएका सम्पदा पुनर्निर्माणमा चीनले आर्थिक र प्राविधिक सहयोग गरेको थियो । उनको भ्रमण दौरान सुरक्षाका लागि नेपाल प्रहरी छुट्याइएको थियो भने पर्यटन मन्त्रालयबाट एक प्रतिनिधि पनि सामेल थिए । हालै सम्पन्न सीपीसीको महाधिवेशनले राष्ट्रपति सी चिनफिङलाई थप ५ वर्षका लागि नेतृत्व दिएपछि बेइजिङबाट काठमाडौंमा भएको यो पहिलो भ्रमण हो ।

    स्रोतका अनुसार काठमाडौंबाट राजदूत होउ यान्छी फर्किएपछि उच्च भेटवार्ताका लागि वातावरण तय गर्ने बाटो नहुँदा ‘लो प्रोफाइल’ मा भ्रमण भएको हो । उनी नेपालको निर्वाचनबारे भित्री कुरा बुझ्न र एमाले माओवादीलाई आपसमा मिल्न दबाब दिने उद्देश्यले काठमाडौं आएको स्रोतले बतायो । चिनियाँ राजदूत होउ यान्छी बेइजिङ फर्केपछि उपमन्त्री लिलाई कसैले महत्व नै दिएन ।

    पछिल्लो समय चीनबाट गत भदौमा चिनियाँ जनकंग्रेसका अध्यक्ष ली चान्सु आएका थिए । त्यसअघि असारमा चिनियाँ कम्युनिस्ट पार्टी (सीपीसी) का विदेश मामिला विभागका प्रमुख लिउ चियानछाओले नेपाल भ्रमण गरेका थिए ।

    अध्यक्ष ली आउँदा दुई मुलुकका संसदबीच सहकार्य गर्ने समझादरीपत्रमा हस्ताक्षर भएको थियो भने लिउले सीपीसी र नेपालका राजनीतिक दलबीच सम्बन्ध विस्तार गरेका थिए ।

    मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

    बुधवार, कार्तिक ३० २०७९१२:२०:३७

    मिडिया डबली

    ट्रेन्डिङ
    Logo
    • डबली नेटवर्क्स प्रा.लि, अनामनगर, काठमाडौँ

    • फोन नम्बर :९८०११२३३७१
    • [email protected]
    • वेबसाईट: www.mediadabali.com
    • सूचना विभाग दर्ता नं.::१८१/ ०७३ -०७४
    • प्रधान सम्पादक

    • कृष्ण प्रसाद पहाडी
    • सम्पादक

    • शोभाकान्त सापकोटा
    • साइट

    • बिनोद भट्टराई
    • क्यामरा पर्सन

    • सुनिल क्षेत्री
    • संवाददाताहरु

    • निर्मला पौडेल
    • अमृत चापागाई
    • अर्जुन पहाडी
    • खिमबहादुर गौतम
    • आकृति थापा क्षेत्री

    Copyright © All right reserved to Dabali Networks P. LTD. Site By: SobizTrend