सोमवार, आश्विन १० २०७९Sep 26 2022

Logo

चीनले नाकाबन्दी लगाउँदा दशैंका लागि नेपाल आउन लागेका सामान उतै अड्किए

चीनले नाकाबन्दी लगाउँदा दशैंका लागि नेपाल आउन लागेका सामान उतै अड्किए

  • मिडिया डबली
  • सोमवार, भाद्र ६ २०७९

  • 819
    SHARES

  • चीनले नाकाबन्दी लगाउँदा दशैंका लागि नेपाल आउन लागेका सामान उतै अड्किए

    काठमाडौं - कहिले भूकम्प त कहिले कोरोना भारइसको महामारीलाई बहाना बनाउँदै चीनले सीमानाकामा नाकाबन्दी गर्दै आएको छ । जसकारण नेपाली व्यापारीहरू चर्को मारमा परेका छन् ।

    आफूलाई नेपालको हितैषी ठान्ने चीनले रसुवागढी र तातोपानी नाका पूर्ण रूपमा बन्द गरेको छ । जसले गर्दा चार पाँच वर्षयता नेपालीहरूले निकै ठूलो सास्ती खेप्दै आएका छन् ।

    images
    images
    images

    चीनले कोभिड संक्रमण बढेको भन्दै दुई सातादेखि दुवै नाका पूर्ण रूपमा बन्द गराएको छ । यसले गर्दा दसैँका लागि मगाइएको सामान चीनतर्फ अड्किएको छ ।

    दशैंका लागि मगाइएका लत्ताकपडा, जुत्ताचप्पल, गार्मेन्टका कच्चा पदार्थ, विद्युतीय सामग्रीलगायत सामान सिगात्से, खासा तथा केरुङमा अड्किएका छन् ।

    तर, चीनले अहिलेसम्म नाका खोल्नेबारे कुनै चासो देखाएको छैन । चीनले २५ साउनदेखि नाका बन्द गर्दा एक सय ५० कन्टेनर पारि नै अड्किएको नेपाली व्यापारीहरू बताउँछन् । तातोपानी र रसुवा नाका सञ्चालन अनियमित हुँदा चीन र चीन हुँदै तेस्रो मुलुकसँग नेपालले गर्ने व्यापारको लागत र व्यापार हुने समय बढेको देखिएको हो ।

    रसुवा र तातोपानी नाकाबाट आउने सामान भारतको कोलकाता बन्दरगाह हुँदै नेपाल भित्र्याउँदा व्यापार लागत प्रतिकन्टेनर एक हजार अमेरिकी डलरसम्मले बढी परेको सरोकारवालाले बताएका छन् । त्यस्तै, उत्तरी नाकाबाट १५ दिनमा नेपाल आइपुग्ने सामान भारत हुँदै ल्याउँदा दुई महिनासम्म लाग्ने उनीहरूको भनाइ छ ।

    करिब अढाई वर्षदेखि नेपाल र चीनबीचका दुवै नाका नियमित सञ्चालन हुन सकेका छैनन् । निर्यात शून्य छ भने आयात पनि आंशिक मात्रै रहेको छ । चीनले तिब्बतमा कोभिड देखिएको भन्दै पछिल्ला दुई सातायता दुवै नाका पूर्ण रूपमा बन्द गरेको छ ।

    चीनले नाका बन्द गर्दा भारतीय बन्दरगाहबाट आयात गर्दा लागतसमेत प्रतिकन्टेनर एक हजारदेखि १२ सय अमेरिकी डलरसम्म बढी लाग्ने गरेको व्यापारीहरूको भनाइ छ ।

    मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

    बिहिवार, भाद्र ११ २०७७०५:२८:३७
    ट्रेन्डिङ
    Logo
    • डबली नेटवर्क्स प्रा.लि, अनामनगर, काठमाडौँ

    • फोन नम्बर :९८०११२३३७१
    • [email protected]
    • वेबसाईट: www.mediadabali.com
    • सूचना विभाग दर्ता नं.::१८१/ ०७३ -०७४
    • प्रधान सम्पादक

    • कृष्ण प्रसाद पहाडी
    • सम्पादक

    • शोभाकान्त सापकोटा
    • साइट

    • बिनोद भट्टराई
    • क्यामरा पर्सन

    • सुनिल क्षेत्री
    • संवाददाताहरु

    • निर्मला पौडेल
    • अमृत चापागाई
    • अर्जुन पहाडी
    • खिमबहादुर गौतम
    • आकृति थापा क्षेत्री

    Copyright © All right reserved to Dabali Networks P. LTD. Site By: SobizTrend