आइतवार, मंसिर १४ २०७७Nov 29 2020

Logo
images
images
images
images

मन्त्रीको सूचीबाट सुवास नेम्बाङले यसरी काटिदिए विशाल भट्टराईको नाम

मन्त्रीको सूचीबाट सुवास नेम्बाङले यसरी काटिदिए विशाल भट्टराईको नाम

  • मिडिया डबली
  • मंगलवार, कार्तिक ४ २०७७

  • 17.7K
    SHARES

  • मन्त्रीको सूचीबाट सुवास नेम्बाङले यसरी काटिदिए विशाल भट्टराईको नाम

     काठमाडौं - प्रधानमन्त्री केपी ओली समूहमा सबैभन्दा शक्तिशाली शंकर पोखरेल मानिन्छन् । त्यसपछि सुवासचन्द्र नेम्बाङ आउँछन् । पूर्वसभामुख पनि रहेकाले नेम्बाङ ओली गुटमा प्रभावशाली छन् । उनी नेकपा संसदीय दलका उपनेता पनि हुन् ।

    प्रधानमन्त्री केपी ओली केही समयअघि मन्त्रिपरिषद् पुनर्गठनको तयारीमा थिए । उनले खाली रहेका तीन मन्त्री मात्र नियुक्तिको तयारी गरेका थिए ।

    images
    images

    ओलीले आफूलाई सुरुदेखि नै सहयोग गर्दै आएका खोटाङका विशाल भट्टराईलाई मन्त्री बनाउने निष्कर्ष निकाले । जसअनुसार भट्टराईलाई सूचना प्रविधि तथा सञ्चारमन्त्री बनाउने भनेर ओलीले खबर गरे ।

    आफूले सञ्चार मन्त्रालयको जिम्मेवारी पाउन लागेको कुरा भट्टराईले आफन्तलाई सुनाउनसमेत भ्याए । तर राष्ट्रपतिकहाँ नाम पठाउने बेलामा विशाल भट्टराईको नाम काटियो र लीलानाथ श्रेष्ठको थपियो ।

    पूर्वसभामुख एवं संसदीय दलका उपनेता नेम्वाङको विशेष तुरूपका कारण भट्टराईको नाम काटिएको चर्चा नेकपामा हुन थालेको छ । तीनजना मन्त्रीको नाम पठाउन लागिएको सूचना पाउना साथ नेम्वाङ सिधै प्रधानमन्त्री निवास बालुवाटार पुगेर कुनै पनि हालतमा पार्वत गुरुङलाई सञ्चारमन्त्री बनाउनुपर्ने अडान राखेका थिए ।

    गुरुङ महिला तथा बालबालिकामन्त्री थिए । नेम्बाङको सल्लाह अवज्ञा गर्ने अवस्थामा प्रधानमन्त्री छैनन् पनि । सोही कारण भट्टराईको नाम काटेर लीलानाथको नाम थपिएको स्रोतले बताएको छ ।

    लीलानाथलाई महिला मन्त्रालयको जिम्मेवारी दिँदै गुरुङलाई सञ्चार मन्त्रालयमा सरुवा गरिनुको मुख्य कारण नेम्बाङ नै भएको बालुवाटारमा चर्चा छ । नेम्वाङको न्यायपालिकामा भएको पकडका कारण ओली गलेको बताइन्छ ।

    images
    images

    मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

    मंगलवार, कार्तिक ४ २०७७१०:२६:२५
    ट्रेन्डिङ
    Logo
    • डबली नेटवर्क्स प्रा.लि, अनामनगर, काठमाडौँ

    • फोन नम्बर :९८०११२३३७१
    • [email protected]
    • वेबसाईट: www.mediadabali.com
    • सूचना विभाग दर्ता नं.::१८१/ ०७३ -०७४
    • प्रधान सम्पादक

    • कृष्ण प्रसाद पहाडी
    • सम्पादक

    • शोभाकान्त सापकोटा
    • साइट

    • बिनोद भट्टराई
    • संवाददाताहरु

    • निर्मला पौडेल
    • अमृत चापागाई
    • अर्जुन पहाडी

    Copyright © All right reserved to Dabali Networks P. LTD. Site By: SobizTrend Technology