मंगलवार, कार्तिक ११ २०७७Oct 27 2020

Logo
images
images

दशैं भत्ता फिर्ता गर्ने सांसद, हेर्नुहोस् को को हुन् ?

दशैं भत्ता फिर्ता गर्ने सांसद, हेर्नुहोस् को को हुन् ?

  • मिडिया डबली
  • आइतवार, कार्तिक २ २०७७

  • 402
    SHARES

  • दशैं भत्ता फिर्ता गर्ने सांसद, हेर्नुहोस् को को हुन् ?

    काठमाडौं- कोरोना भाइरसको माहामारीका बेला दशैं भत्ता लिनु उचित नभएको भन्दै चौतर्फी विवाद भएसँगै सांसदहरुले भत्ता फिर्ता गरेका छन् ।  संघीय संसद सचिवालयले सरकारको निर्णय अनुसार भत्ता वितरण गरेको बताएको छ ।

    माहामारीले रोजगारी तथा मजदूरी गुमाएका जनता दुई छाक जोड्न धौं धौं परेर सडकमा पुगेका बेला सांसदको बैंक खातामा भने तलब बराबरको दशैं खर्च थपिएको थियो । । 

    images
    images

    सांसदहरुलाई उनीहरुको खातामा दशै खर्च पठाइएको सूचना बाहिरिएसँगै मिडिया तथा जनस्तरबाट यो कदमको चौतर्फी बिरोध हुन थालेको हो । 

    थाहै नपाई आफूलाई दशै खर्च आएको भन्दै केही सांसदहरुले आफ्नो नैतिकता प्रदर्शन गरेका छन् । यतिबेला संघीय संसदमा ३ सय ३४ सांसद छन् भने संघ र प्रदेशसभा गरेर ८ सय ८४ जना जनप्रतिनिधि छन् । यीमध्ये हालसम्म यी सांसदहरुले आफ्नो भत्ता फिर्ता गरेका छन् ।

    नारायणकाजी श्रेष्ठः भत्ता मात्र हैन, तलब नै नलिने सांसद 

    सत्तारुढ दल नेकपाका प्रवक्ता समेत रहेका पूर्वमन्त्री एवं सांसद नारायणकाजी श्रेष्ठले दशैंभत्ता मात्र हैन चैतदेखि हालसम्मको तलब सुविधा समेत लिएका छैनन् । उनले कोरोना संक्रमण अन्त्य नभएसम्मका लागि आफूलाई तलब भत्ता समेत उपलब्ध नगराउन भन्दै संसद सचिवायलाई यसअघि नै पत्र लेखेका थिए । 

    गगन थापा

    आइतबार सचिवालयको लेखा शाखामा गएर नेपाली काँग्रेसका सांसद एवं पूर्वमन्त्री गगनकुमार थापाले संघीय संसद सचिवालयमै गएर दशैं खर्च वापतको भत्ता रकम फिर्ता गरेका छन् । 

    बालकृष्ण खाँण 

    पूर्वमन्त्री एवं नेपाली काँग्रेसका सांसद वालकृष्ण खाँणले  दशै भत्ता फिर्ता गरेका छन् ।

    भीम रावल 

    नेकपा नेता तथा पूर्वगृहमन्त्री भीम रावलले दसैँ भत्ता वापतको रकम फिर्ता गरेका छन् । उनले संघीय संसद सचिवालयलाई आइतबार एकपत्र लेख्दै आफूले प्राप्त गरेको दसैँ भत्ता फिर्ता हुने व्यवस्था गर्न आग्रह गरेका हुन् । 

    राष्ट्रियसभा अध्यक्ष: गणेश तिमिल्सिना 

    आफ्नो खातामा आएको दशैं भत्ताबापतको रकम आइतबार  राष्ट्रियसभा अध्यक्ष गणेश तिमिल्सिनाले आफूले पाउने र सचिवालय सदस्यले पाउने दशैं भत्ता संसद सचिवालयमा गएर फिर्ता गरेका छन् । 

    जनार्दन शर्मा 

    आइतबार सामाजिक सञ्जाल फेसबुक र ट्वीटरमार्फत जानकारी दिँदै  रुकुमबाट निर्वाचित सांसद एवं पूर्वमन्त्री जनार्दन शर्माले आफूले पाएको दशैं भत्ता कोरोना संक्रमितको उपचारमा खर्च गर्ने बताएका छन् । 

    देवेन्द्र पौडेल 

    बाग्लुङबाट निर्वाचित नेकपा सांसद देवेन्द्र पौडेलले आफूले पाएको दशैं भत्ता बाढी पीडितलाई हस्तान्तरण गर्ने घोषणा गरेका छन् ।

    सूर्य पाठक 

    वाग्लुङ १ बाट प्रतिनिधिसभा सांसद सूर्य पाठकले पनि सांसदहरुलाई दिइएको दशैं भत्ता नलिने घोषणा गरेका छन् । 

     

     

    images
    images
    images

    मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

    सोमवार, भाद्र १ २०७७०८:११:५०

    मिडिया डबली

    ट्रेन्डिङ
    Logo
    • डबली नेटवर्क्स प्रा.लि, अनामनगर, काठमाडौँ

    • फोन नम्बर :९८०११२३३७१
    • [email protected]
    • वेबसाईट: www.mediadabali.com
    • सूचना विभाग दर्ता नं.::१८१/ ०७३ -०७४
    • प्रधान सम्पादक

    • कृष्ण प्रसाद पहाडी
    • सम्पादक

    • शोभाकान्त सापकोटा
    • साइट

    • बिनोद भट्टराई
    • संवाददाताहरु

    • निर्मला पौडेल
    • अमृत चापागाई
    • अर्जुन पहाडी

    Copyright © All right reserved to Dabali Networks P. LTD. Site By: SobizTrend Technology