शनिवार, आश्विन १० २०७७Sep 26 2020

Logo
images
images
आजको विशेष

प्रधानसेनापति थापाको अभिव्यक्तिले बालुवाटारलाई टेन्सन

प्रधानसेनापति थापाको अभिव्यक्तिले बालुवाटारलाई टेन्सन

  • मिडिया डबली
  • बिहिवार, भाद्र २५ २०७७

  • 49.2K
    SHARES

  • प्रधानसेनापति थापाको अभिव्यक्तिले बालुवाटारलाई टेन्सन

    काठमाडौं - प्रधानसेनापति पूर्णचन्द्र थापाले बुधबार दिएको अभिव्यक्तिले सत्तारुढ नेकपामा हलचल पैदा गरेको छ ।

    सेनाको कमान्ड सम्हालेको दुई वर्ष पुगेको अवसरमा आयोजित विशेष समारोहमा थापाले आगामी दिनमा मुलुकमा अन्योल र अस्थिरता निम्तिने प्रक्षेपण गरेका थिए ।

    थापाले प्रस्ट रूपमै विभिन्न प्रयोगको सिलसिला र मनोगत स्वार्थको कारणले मात्र होइन, क्षेत्रीय र अन्तर्राष्ट्रिय कारणले पनि राष्ट्रिय जीवन आगामी केही वर्ष तरल रहने प्रक्षेपण गरे ।

    उनल स्थानीय, प्रादेशिक र राष्ट्रिय क्षमतामा दबाब थपिने जनाए । ‘महामारी जति फैलिन्छ, हाम्रा स्थानीय, प्रादेशिक र राष्ट्रिय क्षमताहरूमाथि त्यति नै दबाब थपिँदै जान्छ । यसबाट स्वास्थ्य समस्या मात्र थपिँदैन, सामाजिक–आर्थिक गतिविधि संकुचित हुन्छन्, विदेशबाट फर्किएका युवाहरूको बेरोजगारीको समस्याले अस्थिरता र अन्योल निम्त्याउन सक्छ,’ प्रधानसेनापति थापाले भनेका छन् ।

    सेनापति थापाको अभिव्यक्तिले प्रधानमन्त्री केपी ओलीको शासनशैलीमाथि असन्तुष्टि रहेको विश्लेषण गर्न थालिएको छ । यदि देशमा सरकारको नेतृत्व गर्ने व्यक्ति राम्रो भइदिएको भए कोरोना महामारी चाँडै नियन्त्रणमा ल्याउन पहल गर्ने तथा देशी–विदेशीको चलखेल रोक्न सकिने उनको आशय देखिन्छ ।

    तर, यतिबेला सरकारमा बस्नेहरूले आफ्नो कार्यक्षमता देखाउन सकेका छैनन् । त्यसैले पनि प्रधानसेनापति थापाले यस्तो भविष्यवाणी गरेको हुन सक्ने चर्चा राजनीतिक वृत्तमा छ ।

    खासगरी नेपाली सेनालाई कोरोना रोकथाम र नियन्त्रणका लागि विदेशबाट खरिद गरिएका सामग्रीमा भ्रष्टाचार हुँदा सत्तारुढ नेकपाका नेताले सेनालाई पनि मुछेपछि नेपाली सेना सरकारसँग असन्तुष्ट देखिएको छ । त्यसमा पनि रक्षामन्त्री ईश्वर पोखरेलसँग हार्दिक सम्बन्ध नरहेको बताइन्छ ।

    images

    मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

    बिहिवार, भाद्र २५ २०७७१०:०१:४२
    ट्रेन्डिङ
    Logo
    • डबली नेटवर्क्स प्रा.लि, अनामनगर, काठमाडौँ

    • फोन नम्बर :९८०११२३३७१
    • [email protected]
    • वेबसाईट: www.mediadabali.com
    • सूचना विभाग दर्ता नं.::१८१/ ०७३ -०७४
    • प्रधान सम्पादक

    • कृष्ण प्रसाद पहाडी
    • सम्पादक

    • शोभाकान्त सापकोटा
    • साइट

    • बिनोद भट्टराई
    • संवाददाताहरु

    • निर्मला पौडेल
    • अमृत चापागाई
    • अर्जुन पहाडी

    Copyright © All right reserved to Dabali Networks P. LTD. Site By: SobizTrend Technology