कोरोना कहरः कान्तिपुर दैनिक बन्द!

मिडिया डबली संवाददाता प्रकाशित : शुक्रबार, चैत्र १४, २०७६

नेपाटप

काठमाडौं– विश्वव्यापीरुपमा फैलिएको कोरोना भाइरसले चौतर्फी हानी पुराएको छ। देशको अर्थतन्त्र, मानिसको दैनिकी र स्वास्थ्यमा गम्भिर हानी पुराएको यो भाइरसको असर पत्रपत्रिकामा समेत देखिएको छ।

यसैको मार देशको नम्बर १ कान्तिपुर दैनिकले समेत खेपेको छ। कान्तिपुर व्यवस्थापनले कोरोना भाइरसका कारण केही समयका लागि आफ्नो प्रकाशन बन्द गर्ने निर्णय गरेको छ।

नेपाल लाइफ

शुक्रबार विशेष प्रकाशकीय लेख्दै कान्तिपुर मिडिया ग्रुपले केही समयका लागि कान्तिपुर, दी काठमान्डु पोस्ट, साप्ताहिक, नेपाल र नारी पत्रिकाको मुद्रण तथा वितरण शुक्रबारपछि केही दिनका निम्ति स्थगन हुने जनाएको छ।

स्थितिमा सुधार आउनासाथ पत्रिकाहरू पूर्ववत् प्रकाशित गरिने र नियमित ग्राहकहरूले हाल बन्द गरिएको अवधिको पत्रिकाका अतिरिक्त अंक पाउने व्यवस्था मिलाइने केएमजीले जनाएको छ । यसअघि नै सबैजसो साप्ताहिक पत्रिका बन्द भइसकेका छन्।