प्रहरीको ट्रक नै दुर्घटना ! १ जनाको मृत्यु, ३० घाइते

मिडिया डबली संवाददाता प्रकाशित : बुधबार, माघ १, २०७६

नेपाटप

तनहुँ – जिल्लाको देवघाट गाउँपालिका–५ स्थित कालिमाटीमा प्रहरीको ट्रक दुर्घटना हुँदा १ जनाको मृत्यु भएको छ ।

दुर्घटनामा परेर ३० जना घाइते भएका छन् । मृत्यु हुनेमा प्रहरी जवान सन्दीप केसी छन् ।

नेपाल लाइफ

दुर्घटनामा गम्भीर घाइते भएका ५ जनाको पुरानो मेडिकल कलेज भरतपुरमा उपचार भइरहेको प्रहरीले जनाएको छ ।

देवघाटको मेलाबाट ड्युटी गरी फर्किएको प्रहरीको ट्रक कालिमाटीमा दुर्घटना भएको ईलाका प्रहरी कार्यालय आँबुखैरेनीका इन्सपेक्टर बुद्धि सुवेदीले जानकारी दिए ।

उनका अनुसार देवघाटधाममा ड्युटी गरी फर्कंदै गरेको प्रहरीको ट्रक मोड नपुगेर दुर्घटनामा परेको अनुमान गरिएको छ । ३४ जना सवार ट्रक सडकबाट करीब ५० मिटर तल खोल्सामा खसेर दुर्घटना भएको छ ।