सिन्धुपाल्चोकमा भेटियो कोरोनासँग मिल्ने लक्षण, विरामीको संख्या २०१ पुग्यो

मिडिया डबली संवाददाता प्रकाशित : बुधबार, माघ २९, २०७६

नेपाटप

काठमाडौं– सिन्धुपाल्चोकको जुगल गाउँपालिका–३ को गुम्बा बस्तीमा कोरोना भाइरससँग लक्षण मिल्ने विरामी भेटिएका छन्। गाउँपालिकाले सोमबार सूचना जारी गर्दै शंकास्पद रोगको लक्षण देखिएको स्वास्थ्य तथा जनसंख्या मन्त्रालयलाई जानकारी गराएको छ ।

अत्यन्त जरुरी भनिएको पत्रमा लेखिएको छ, ‘विश्वमा फैलिइरहेको नोभल कोरोनाभाइरसको लक्षणसँग मिल्ने रुघाखोकी र अत्याधिक ज्वोरोजस्ता लक्षणका बिरामी देखा परेको हुँदा सोको परीक्षण गरी रोग पहिचानका लागि विशेष टोली खटाइ सहयोग गरिदिन हुन अनुरोध गर्दछौं ।’

नेपाल लाइफ

जुगल गाउँपालिकाकी उपाध्यक्ष सिर्जना तामाङका अनुसार गुम्बामा तीन दिनदेखि उक्त संक्रमण फैलिएको छ । सुरुमा स्कुले बालबालिकामा देखिएको संक्रमण अहिले गाउँका २०१ जनामा फैलिएको छ ।

तामाङका अनुसार अहिले जिल्ला जनस्वास्थ्य, जिल्ला अस्पताल तथा गाउँपालिकाको टोली भाइरल प्रभावित गाउँ गुम्बा जाँदै छ ।