प्रणय दिवसको दिनमा शिब हमालले ल्याए ‘निउरो’ (भिडियो)

मिडिया डबली संवाददाता प्रकाशित : शुक्रबार, फाल्गुन २, २०७६

नेपाटप

काठमाडौँ- गायक तथा सर्जक शिब हमालको लोकगीत ‘निउरो’ बजारमा आएको छ। गीतमा गायक बिमल परियार र सीता श्रेष्ठले स्वर दिएका छन्। गीत बजारमा आएको केहि घण्टामा नै चर्चा बटुल्न सफल भएको छ।

गीतमा शब्द संगीत शिब हमालको रहेको छ। संगीत संयोजन आशिष अविरलको हो। सुवास खतिवडा र नम्रता सापकोटाले भिडियोमा अभिनय गरेका छन्।

नेपाल लाइफ

भिडियोको निर्देशन प्रकाश भट्टले गरेका हुन् । नबराज उप्रेतीको छायांकनमा तयार गरिएको भिडियोको सम्पादन बिष्णु शर्माले गरेका छन् ।

गीतलाई हमालले आफ्नै नामको व्यक्तिगत युट्युब च्यानलमार्फत बजारमा ल्याएका हुन्। यसअघि उनले सुमधुर झ्याउरे लयमा संगीत गरेको ‘लालुमै’ बोलको गीतले नेपाली लोकगीतको क्षेत्रलाई एकैपटक माथि पुर्याएको छ।

‘लालुमै’ ले अत्यधिक चर्चा पाएपछि अन्य संगीतकार र गीतकारले पनि सोही गीतलाई पछ्याएर शब्द र संगीत भर्ने गरेको पाइन्छ। ‘लालुमै’ अत्याधिक दर्शकले रुचाएको गीत हो। युट्युबमा यो गीत २ करोड ६४ लाख भन्दा धेरै पटक हेरिएको छ।

यस्तै हमालले शब्द संगीत गरेको ‘साइलो’ बोलको गीत युट्युबमा ४५ लाख भन्दा बढी पटक हेरिएको छ।