झमक घिमिरेको १३औँ कृति ‘प्रेमिल आकाश’ सार्वजनिक — www.mediadabali.com
आज : २०७४ आश्विन १० गतेPreeti to UnicodeUnicode to PreetiRoman to UnicodeDate Converter

Media Dabali

  • Ad
  • मिडिया डबली संवाददाता प्रकाशित : २०७३/९/१० गते
    २७९ &#२३४६;&#२३३५;&#२३२५;
    काठमाडौँ , १० पुस ।

    साहित्यकार डाक्टर झमक घिमिरेको प्रकाशित १३औँ साहित्य कृति कविता सङ्ग्रह ‘प्रेमिल आकाश’ गृह जिल्लामा सार्वजनिक गरिएको छ।

    शनिबार धनकुटा सदरमुकाममा झमक घिमिरे साहित्य कला प्रतिष्ठानले आयोजना गरेको कार्यक्रममा प्रेमिल आकाशमा समेटिएका ४९ वटा कविताको २४ जना स्रष्टाले विभिन्न आयामबारे परिचर्चासमेत गरेका छन्।

    कविता सङ्ग्रह परिचर्चासँगै यसै वर्ष मध्यपश्चिमाञ्चल विश्वविद्यालयले झमकलाई विद्यावारिधिको मानार्थ उपाधि दिएको खुसियालीमा सम्मान तथा बधाई दिन कार्यक्रम आयोजना गरिएको आयोजकले जनाएको छ। सेरेब्रलपाल्सी नामक मस्तिष्क पक्षघातले पीडित साहित्यकार घिमिरेका यो सङ्ग्रहसहित विभिन्न विद्याका १३ वटा साहित्यिक पुस्तक प्रकाशित भइसकेका छन्।

    यसअघि ‘जीवन काँडा कि फूल’ सङ्ग्रहबाट मदन पुरस्कार पाएकी झमकले प्रेमिल आकासमा गद्य कविता सङ्ग्रहमार्फत हालसम्म आफूले जीवन बुझेदेखिको भोगाइ सचित्र व्याख्या गरेकी छन्। पुस्तक सार्वजनिक एवम् परिचर्चा र बधाई सम्मान कार्यक्रममा झमकको जीवनमा आधारित चलचित्रसमेत तयारी गरी प्रदर्शनको तयारमा रहेको प्रतिष्ठानले जनाएको छ।

    प्रतिकृया दिनुहोस्
    Loading...